16 наурыз – «Шежіре күні»
Шежіре барлық халықта кездеседі. Шежірені қарттар ауызша таратып отырған. Бұл күні жеті атаның тарихы айтылып, шежіресі таратылады. Сонымен қатар мал сойылып, ата-бабаларына құран бағыштайды. Әр отбасының үлкендері өмірден өткен ата-бабаларының, ағайын-бауырдың жақсы істерін, қуанышты сәттерін кейінгі ұрпаққа әңгімелеп береді.
Қазақ халқында «Жеті атасын білу» маңызды. Ата-ана балаға тек жеті атасына дейінгі бабаларының атын жаттатып қана қоймай, олардың қандай адам болғаны, ел-жұрты үшін жасаған ерлігі, өнегелі істері жайында айтып отырған. Сол арқылы бала ата дәстүрін жалғастырса екен деген мақсат көздеген. Халықта «Жеті атасын білмеген жетесіз» деген мақал бар. Өз халқының тарихын білу жас ұрпақты ерлікке, елдікке, Отансүйгіштікке тәрбиелейді.