Саттар Ерубаев.

«Жарқ еткен жарқын ғұмыр»
Саттар Ерубаев. Ұлы қазақ даласына белгілі есім. Оның тынымсыз ізденісі Ленинградта білім алуға жол ашты. Әдебиет және өнер саласында тасы өрге домалап тұрған Саттар Асқарұлын арманына тұла бойын әбден меңдеп алған дерті жеткізбеді.
Саттар Ерубаев 1914 жылы Түркістан ауданыныда дүниеге келді. Балалар үйінде тәрбиеленген. 1927 жылы Түркістан ауданы, «Комсомол» колхозында қызмет істейді. ҚазКСР Оқу халық комиссариатының жоғарғы оқу орнында даярлау курсын,Ленинградтағы философия және тарих институтын бітіреді. «Лениншіл жас» және «Ленинская смена» газетінің әдебиет бөлімдерін басқарды. «Лениншіл жас» газеті редакторының орынбасары әрі Алматы жоғарғы ауылшаруашылық мектебі философия кафедрасының ассистенті болды.
Небәрі 23 жасында жұлдыздай жарқ етіп жанған шоқтығы биік Саттар атамыз қазақ әдебиетінде орны бөлек, қайталанбас тұлға. Саттар Ерубаев ақын, жазушы, ең алғашқы фантаст, қоғам қайраткері, алғашқы комсомол болды. Оның өлеңдері өскелең ұрпаққа үлгі өнеге.