Текст
20 наурыз – «Зияткерлік күні»
Қазақ халқында балалардың ой-санасын жетілдіру, зияткерлік қабілетін дамытуда ауыз әдебиетінің алар орны ерекше. Батырлар жыры балаларды отансүйгіштікке, адалдыққа, ерлікке тәрбиелесе, шешендік өнер табан астында сөз тауып айтуға, аталы сөзге тоқтауға үйретеді. Мақал-мәтел арқылы баланың сөздік қоры молаяды.
Жаңылтпаш жаттаған баланың тілі жаттығып, есте сақтау қабілеті артып, топтың алдында еркін сөйлейтін болады. Жұмбақ жасырып, оны табу немесе ойдан жұмбақ құрастыру арқылы жеткіншектің қиялы өсіп, шыңдалады. Ендеше бұл күні мақал-мәтелдер, жұмбақтар, жаңылтпаштар айтып, жырлар мен эпостардан үзінділер оқып, рухани азық сыйлайық!