ХХ ғасырдың 50-жылдары кеңестік елдерде, соның ішінде Қазақстанда тың және тыңайған жерлерді игеру науқаны КСРО ғана емес, бүкіл дүние жүзінің ауыл шаруашылығында орын алған үлкен серпіннің бірі болатын. Осыдан тура 70 жыл бұрын орманы жайқалған, өзен-көлге бай, аң-құсы сайран салған еліміздің солтүстігіне жаппай соқа түсе бастады.
Тың және тыңайған жерлерді игерудің 70 жылдығына орай кітапханада тың игеруге арналған "Тың эпос: тарих беттері" атты көрме ұйымдастырылды.
Көрмеде алғашқы тың игерушілердің жаппай ынта-жігері мен жанқиярлық еңбегі туралы баяндайтын құжаттар, кітаптар, фотосуреттер, альбомдар ұсынылған .Алғашқы тың игерушілердің заттары,соның арқасында оқырмандар көптеген қызықты нәрселерді біледі: тың деген не, тың игеруге кім және қайдан келді.