Текст
23 наурыз - «Жоралғы күні»
Жоралғы күні - бұл қазақ халқының бай салт-дәстүрі айшықталатын күн. Қазіргі уақытта достық пен мейірбандықты, адамгершілік деген ұлы қасиетті дәріптейтін дәстүрлер аса қажет. Бұл күні адамдар өзінің жақындарына сыйлықтар тарту етеді. Мерекеде сый-сияпатқа кенелген адам ұзақ уақыт алған сыйлығын естен шығармасы анық. Адам өзгенің көңілін табу арқылы өзіне бақыт сыйлайды.
Ұлыстың ұлы күнінде қыз-жігіттер бас қосып, «Ұйқыашар» рәсімін өткізген. Бойжеткендер бозбалаларға ет пен уыздан дайындалған тағам ұсынып, ілтипат көрсетеді. Көктемнің гүліндей құлпырып жүрсін деген ниетпен ер азаматтар қыз-келіншектерге сырға, сақина, тарақ, айна секілді әдемі бұйымдар тарту етеді. Бұл дәстүр «Селт еткізер» деп аталады.