22 наурыз – «Ұлыстың ұлы күні»
Наурыз мейрамы неліктен 22 наурыз күні тойланады? Себебі, бұл күні күн мен түн теңеліп, нағыз көктемнің шуағы сезіледі. Адамдар бұл күні ерте тұрып, күн шапағын бірге қарсы алады. Одан әрі бұқаралық мерекелік шеруге ұласып, мерекелік іс-шаралар ұйымдастырылады. Мерекеге жиналған халық ұлттық тағам – наурыз көжеден дәм татады. Жеті түрлі тағамнан жасалатын наурыз көже жуанның жіңішкеріп, жіңішкенің үзілер сәтінде адам ағзасын таптырмас дәруменмен қамтамасыз етеді.
Ағайын-туыс бірін-бірі жаңа жылмен құттықтап, елдің амандығын тілейді. Шығыс халықтары Бұл күні жерді Қыдыр ата аралайды, халыққа ақ батасын беріп, жақсылық тілейді деп сенген. Қыдыр атадан бата алған адамның жолы болады деп есептеген. Наурыз халықтың бірлігі, жақсылық пен жаңару мерекесі. Наурыз мейрамы құтты болсын!